Զբոսավարների պատրաստման դասընթացներ - Աշխարհաքաղաքականություն, Մահմեդական մշակույթ, Հայաստանի բուսական աշխարհը

Հայաստանում զբոսաշրջության զարգացումն առաջ է բերում նոր՝ մասնագիտական ավելի խորը հարցերից տեղյակ լինելու կարիք, որոնց վերաբերյալ անհրաժեշտ տեղեկություններ զբոսավարները դժվարությամբ են հայթայթում։ Այստեղից էլ կանոնավոր կերպով կարճաժամկետ դասընթացների մասնակցելու պահանջը։

2014 թվականից ի վեր հիմնադրամը կազմակերպում է թեմատիկ դասընթացներ զբոսավարների համար՝ հիմնվելով վերջիններիս կրթական կարիքների վրա:

Սիրով ներկայացնում ենք դեկտեմբեր ամսվա թեմատիկ դասընթաների ժամանակացույցը:

Աշխարհաքաղաքականություն

Բանախոսներ՝ ՀՀ արտաքին գործերի նախարարության ԱՊՀ վարչության խորհրդական, ՀՀ արտակարգ դեսպանորդ և լիազոր նախարար Գուրգեն Հովհաննիսյանը, ԵՊՀ պատմության ֆակուլտետի դասախոս, պատմական գիտությունների թեկնածու, դոցենտ Հովիկ Գրիգորյանը և քաղաքական ու միջազգային կոնֆլիկտների փորձագետ, սոցիոլոգ-կոնֆլիկտաբան  Հայկ Մինասյանը

Օրերը՝ դեկտեմբերի 8-ին, 9-ին, 10-ին, ժամը՝ 11:00 – 13:00

Արժեքը՝ 12.000 դրամ

Դասընթացի թեմաները

Դեկտեմբերի 8, բանախոս՝ Հովիկ Գրիգորյան

Հայաստանը խորհրդա-քեմալական հարաբերությունների ոլորտում. Հայաստանի սահմանների հարցը 1920-1921 թթ.՝

• Հայ-թուրքական սահմաններն ըստ թուրքական «Ազգային ուխտի»
• Մուստաֆա Քեմալի կողմից Վ. Լենինին ուղղված 1920 թ. ապրիլի 26-ի նամակը
• 1920 թ. օգոստոսի 26-ի նախաստորագրված ռուս-թուրքական «Սրտագին և անկեղծ բարեկամության» պայմանագիրը
• 1920 թ. հայ-ռուսական բանակցությունները և 1920 թ. հոկտեմբերի 28-ի նախաստորագրված պայմանագիրը
• Ալեքսանդրապոլի հայ-թուրքական 1920 թ. դեկտեմբերի 2-ի պայմանագիրը
• Մոսկվայի ռուս-թուրքական 1921 թ. մարտի 16-ի պայմանագիրը
• Կարսի թուրք-անդրկովկասյան 1921 թ. հոկտեմբերի 13-ի պայմանագիրը
• ՌԿ(բ)Կ Կովկասյան բյուրոյի որոշումները Լեռնային Ղարաբաղի և Ջավախքի պատկանելության վերաբերյալ

Դեկտեմբերի 9,  բանախոս՝ Գուրգեն Հովհաննիսյան

Հայաստանի Հանրապետության հարաբերությունները հարակից երկրների հետ՝

• Հայաստան - Վրաստան քաղաքական և մշակութային հարաբերությունները
• Հայաստան - Իրան  քաղաքական և մշակութային հարաբերությունները
• Հայաստան - Թուրքիա քաղաքական և մշակութային հարաբերությունները

Դեկտեմբերի 10, բանախոս՝ Հայկ Մինասյան

Լեռնային Ղարաբաղի հակամարտության ներկա փուլը՝

• ԼՂ հակամարտության ընդհանուր նկարագրի ներկայացում
• ԼՂ հակամարտության փուլերի ներկայացում
• ԼՂ հակամարտության գոտում իրադարձությունների զարգացումը 2011թվականից հետո
• 2016թ. Ապրիլյան պատերազմը
• Իրավիճակը ԼՂ հակամարտության գոտում այսօր
• Իրադարձությունների հնարավոր զարգացումը Լեռնային Ղարաբաղի հակամարտության գոտում

Մահմեդական մշակույթ

Բանախոսներ՝ ՀՀ մշակույթի նախարարության ժառանգության և ժողովրդական արհեստների վարչության աշխատակից, բազմաթիվ արվեստաբանական կատալոգների, հոդվածների, ցուցահանդեսների և քննարկումների հեղինակ, արվեստաբան Անուշ  Հակոբյանը և իրանագետ, պատմական գիտությունների թեկնածու Րաֆֆի Գևորգյանը:

Օրերը՝ դեկտեմբերի 16-ին, 17-ին, 18-ին, ժամը՝ 11:00 – 13:00, և դեկտեմբերի՝ 19-ին, ժամը՝ 19:00 – 21:00

Արժեքը՝ 14.000 դրամ

Դասընթացի թեմաները

Դեկտեմբերի 16, բանախոս՝ Րաֆֆի Գևորգյան

Իսլամ՝

• Իսլամի ծագումը
• Ղուրանը՝ որպես մահմեդականների Սուրբ գիրք
• Իսլամի հիմնական 2 ուղղությունները՝ սուննիզմ և շիիզմ
• Իսլամական այլ ուղղություններ
• Իսլամի տարածումը ժամանակակից աշխարհում

Դեկտեմբերի 17, բանախոս՝ Անուշ  Հակոբյան

Մահմեդական արվեստ՝

• Մահմեդական արվեստի պատմությունն ու փիլիսոփայությունը
• Մահմեդական արվեստի ընդհանուր բնութագիրը, տարածաշրջանները և փուլերը

Դեկտեմբերի 18, բանախոս՝ Անուշ  Հակոբյան

Արաբական Խալիֆաթի արվեստը՝

• Արաբական Խալիֆաթը՝ որպես մահմեդական արվեստի կայացման կենտրոն և թելադրող
• Արաբական Խալիֆաթի Ճարտարապետությունը
• Արաբական Խալիֆաթի գեղանկարչությունը
• Արաբական Խալիֆաթի դեկորատիվ-կիրառական արվեստները

Դեկտեմբերի 19, բանախոս՝ Անուշ  Հակոբյան

Իրանի արվեստ՝

• Իրանի արվեստը՝ որպես մահմեդական արվեստի ուրույն տեսակներից մեկը, ինչպես նաև հայերի հետ ամենասերտ կապերն ունեցած մահմեդական մշակույթի դրսևորում
• Շիրազի և Սպահանի արվեստը
• Իրանի ճարտարապետությունը, գեղանկարչությունը և դեկորատիվ-կիրառական արվեստները

Հայաստանի բուսական աշխարհը

Բանախոս՝ ՀՀ ԳԱԱ բուսաբանության ինստիտուտի ավագ գիտաշխատող, կենսաբանական գիտությունների թեկնածու Աննա Ասատրյանը

Օրերը՝ դեկտեմբերի 21-ին և 23-ին, ժամը՝ 11:00 - 13:00

Արժեքը՝ 8.000 դրամ

Դասընթացի թեմաները

Դեկտեմբերի 21, բանախոս՝ Աննա Ասատրյան

Հայաստանի բուսական ծածկույթի բնութագիրը և ֆլորայի որոշ ներկայացուցիչները՝

• Ընդհանուր տեղեկություններ Հայաստանի ֆլորայի և բուսականության մասին
• Հայաստանի առավել բնորոշ և հազվագյուտ բուսական համակեցությունները
• Ծանոթացում Հայաստանի ֆլորայի մի շարք ներկայացուցիչների հետ (տարածված, հազվագյուտ, գեղազարդ տեսակներ)

Դեկտեմբերի 23, բանախոս՝ Աննա Ասատրյան

Զբոսաշրջության ոլորտում կիրառվող բուսաբանական գիտելիքներ՝

• Զբոսաշրջությունը և բնությունը`պատասխանատու զբոսաշրջության սկզբունքները և դրանց կիրառման օրինակներ
• Ծանոթացում Հայաստանի ֆլորայի մի շարք ուտելի և համեմունքային բուսատեսակների հետ
• Հայաստանի ուշագրավ ծառերը՝ որպես զբոսաշրջային գրավիչ օբյեկտներ

Բոլոր դասընթացներին միաժամանակ գրանցվելու դեպքում մասնակցության ընդհանուր արժեքը 34.000 – ի փոխարեն կկազմի  27.000 դրամ:

Վայր՝ Էսպաս երիտասարդական կրթամշակութային կենտրոն 

Հասցե՝ Նալբանդյան 29

Գրանցվելու համար գրել նամակ՝ espaces@kasa.am հասցեին կամ զանգահարել 010 54 18 44   հեռախոսահամարով 

Գրանցման վերջնաժամկետը՝ դեկտեմբերի 5-ը