Համակարգչային անվտանգության միջազգային առաջատար «Կասպերսկի Լաբորատորիա» ընկերության կողմից Հայաստանում ուսանողների միջև կազմակերպված «Kaspersky Student’s Challenge» ծրագրավորման առաջնության եզրափակչի և հաղթողների պարգևատրման հանդիսավոր արարողության շրջանակներում կայանալու է բացառիկ դասախոսություն:
Խոսնակներ
«Կասպերսկի Լաբորատորիա»-ի առաջատար փորձագետներ՝ Հետազոտությունների և սպառնալիքների վերլուծության գլոբալ կենտրոնի ղեկավարի տեղակալ, Ռուսաստանյան հետազոտական կենտրոնի ղեկավար և Հակավիրուսային վերլուծաբանների ամենամյա համաժողովների (Security Analyst Summit) կազմակերպիչ Սերգեյ Նովիկովը և անվտանգության հետազոտող Դենիս Մակրուշինը կներկայացնեն արդիական՝ ռեվերս-ծրագրավորման թեմայով դասախոսությունը։
Վայրը և ժամը
«Kaspersky Student’s Challenge» ծրագրավորման առաջնության եզրափակչի և «Կասպերսկի Լաբորատորիա»-ի առաջատար փորձագետների դասախոսությունը կկայանա Հայ-Ռուսական համալսարանի հանդիսությունների մեծ դահլիճում։ Միջոցառումները կկայանան հոկտեմբերի 1-ին, սկիզբը՝ ժամը 12։00-ին։
Սիրով հրավիրում ենք մասնակցելու։