University of Sheffield  Follow

Շեֆիլդի համալսարանի Executive MBA ծրագրի ընդունելություն 2019, Երևան, Հայաստան

Publish Date: Feb 13, 2019

Deadline: Mar 31, 2019

Ուսուցում Երեւանում իրականացվող Շեֆիլդի համալսարանի Executive MBA ծրագրում

Հայ ղեկավարներին և մասնագետներին տրվում է յուրօրինակ հնարավորություն սովորել Երևանում իրականացվող Շեֆիլդի համալսարանի Executive MBA ծրագրում ՝ հաճախելով ամիսը մեկական ուրբաթ, շաբաթ եւ կիրակի օրերին Շեֆիլդի համալսարանի եւ բրիտանական այլ համալսարանների պրոֆեսորների կողմից Երեւանում իրականացվող դասընթացներին։ Ծրագրի տեւողությունը երկու տարի է։ Դիմել կարող են 25 տարեկանից բարձր, 3-5 տարվա աշխատանքային փորձ ունեցող անձինք։ Փաստաթղթերի ընդունելությունը  սկսվել է 2019 թվականի հունվար ամսից։ Մինչեւ մարտի 31-ը դիմողներին կտրամադրվի ուսման վարձի հատուկ գին։

Ծրագիրը ավարտելուց հետո կտրվի  բրիտանական Շեֆիլդի համալսարանի MBA դիպլոմ և աստիճան, ինչպես նաև  բրիտանական հեղինակավոր CMI  (Chartered Management Institute) Արտոնագրված Կառավարման Ինստիտուտի 7-րդ աստիճանի մագիստրոսական դիպլոմ` Ղեկավարում և ստրատեգիական կառավարում մասնագիտությամբ:

Շեֆիլդի համալսարանը բրիտանական ամենահին և հեղինակավոր համալսարաններից մեկն է: 2018 թվականին Եվրոպայի լավագույն համալսարանների ցանկում այն գրավել է 22-րդ տեղը և ըստ ՔՍ վարկանիշի` 75-րդ տեղը աշխարհի լավագույն համալսարանների ցանկում: 2017 թվականին Թայմս մասնագիտացված ամսագրի կողմից այն արժանացել է «Տարվա համալսարան» կոչմանը:

Շեֆիլդի համալսարանը լինելով հեղինակավոր Russel Group-ի անդամ հանդիսանում է Անգլիայի 24 լավագույն համալսարաներից մեկը։  Այն մտնում է աշխարհի լավագույն համալսարանների 1%-ի մեջ։

Շեֆիլդի համալսարանի միջազգային ֆակուլտետ Սիթի քոլեջը գտնվում է Հունաստանի Սալոնիկ քաղաքում և համալսարանի միակ ֆակուլտետն է, որ տեղակայված է Բրիտանիայի սահմաններից դուրս յուրատեսակ  կամուրջ հանդիսանալով Միացյալ թագավորության և Հարավ-արևելյան և Արևելյան Եվրոպայի տարածաշրջանի միջև։

Ներկայումս Շեֆիլդի համալսարանը և Շեֆիլդի համալսարանի միջազգային ֆակուլտետ Սիթի քոլեջը նոր կրթական ծրագիր են իրականացնում Հայաստանում։

2016 թվականի հոկտեմբեր ամսից Երևանում մեկնարկեց բրիտանական Շեֆիլդի համալսարանի  Executive MBA ծրագիրը:

Սա ամբողջովին նորարար, միջազգային ծրագիր է, որը նախագծված է այսօրվա ղեկավարների,  բիզնեսի ոլորտում աշխատող պրոֆեսիոնալների և գործարարների համար: Տվյալ ծրագիրն ընտրված է Հարավ-արևելյան և Կենտրոնական Եվրոպայի տարածաշրջանում գործող մի շարք միջազգային ընկերությունների և կազմակերպությունների աշխատակիցների և մենեջերների կողմից մասնագիտական զարգացման նպատակով:

Ծրագրի նպատակն է հնարավորություն տալ հայաստանյան ղեկավարներին  և մասնագետներին մասնակցել Երևանում ընթացող դասընթացներին և ստանալ բրիտանական հեղինակավոր Շեֆիլդի համալսարանի MBA դիպլոմ` առանց աշխատանքը ընդհատելու և ուսանելու համար այլ երկիր մեկնելու: Ծրագիրը ընթանալու է ամսական մեկ անգամ՝ ուրբաթ, շաբաթ և կիրակի օրերին Երևանում: Ծրագրի տևողությունը 2 տարի է: Առաջին տարվա վերջում բոլոր Executive MBA ուսանողները կհանդիպեն մեկ շաբաթյա համատեղ դասընթացների համար Մեծ Բրիտանիայի Շեֆիլդ քաղաքում, իսկ երկրորդ տարվա վերջում՝  Համալսարանի միջազգային ֆակուլտետ Սիթի Քոլեջում, որը գտնվում է Հունաստանի Սալոնիկ քաղաքում ուսումնական շաբաթներին մասնակցելու համար։

Այս այցերի նպատակն է ընդարձակել ծրագրի միջազգային շրջադարձը, ինչպես նաև ուսանողներին տրամադրել նեթվորքինգի՝ կապեր ստեղծելու փայլուն հնարավորություն:

Ծրագիրը դասավանդելու են Շեֆիլդի համալսարանից եւ բրիտանական այլ համալսարաններից Երևան ժամանած պրոֆեսոր-դասախոսները:

Ուսանողները հնարավորություն կունենան մասնագիտանալ հետևյալ բնագավառներում.

- Ընդհանուր կառավարում

- Մարքեթինգ

- Ֆինանսներ

- Լոգիստիկայի կառավարում

- Առողջապահության կառավարում

- Մարդկային ռեսուրսների կառավարում

Շեֆիլդի համալսարանը տվյալ ծրագրի դիմորդներին տրամադրում է մասնակի կրթաթոշակ որոշակի զեղչի ձևով: Ուսման վարձի վճարման համար տրամադրվում է ճկուն համակարգ: Գումարը վճարվում է ոչ թե ամբողջությամբ, այլ 2 տարվա ընթացքում՝ 5 փուլով:

Փաստաթղթերը հանձնվում են Շեֆիլդի համալսարանի միջազգային ֆակուլտետ Սիթի Քոլեջի հայաստանյան ներկայացուցչական գրասենյակում` նախնական հանդիպման մասին պայմանավորվելով։

Ծրագրին դիմորդները պետք է լինեն 25 տարեկանից բարձր եւ ունենան 3-5 տարվա աշխատանքային փորձ:


Ինչպես դիմել

Եթե ցանկանում եք մասնակցել ծրագրին, խնդրում ենք սեղմել հայտարարության ներքևում գտնվող APPLY ONLINE կոճակը և լրացնել նախնական դիմում-հայտը: Դիմում-հայտը լրացնելուց հետո ձեզ հետ կապ կհաստատի Շեֆիլդի համալսարանի աշխատակիցը և կտրամադրի ամբողջական տեղեկատվություն ամբողջական դիմումի լրացման վերաբերյալ:

Similar Opportunities


Disciplines

Business

Business Administration

Finance

Health

Human Resource Management

Management

Marketing

Study Levels

Master’s

Opportunity Types

Scholarships

Eligible Countries

Armenia

Host Countries

Armenia