ԵՊՀ ԵՎՐՈՊԱԿԱՆ ՈՒՍՈՒՄՆԱՍԻՐՈՒԹՅՈՒՆՆԵՐԻ ԿԵՆՏՐՈՆԸ
ՀԱՅՏԱՐԱՐՈՒՄ Է
ԵՎՐՈՊԱԿԱՆ ՈՒՍՈՒՄՆԱՍԻՐՈՒԹՅՈՒՆՆԵՐ ՄԱԳԻՍՏՐՈՍԱԿԱՆ ԾՐԱԳՐԻ
2016-2018թթ. ընդունելություն
Ծրագրի հակիրճ նկարագիր
2008թ.ից ի վեր Եվրոպական ուսումնասիրությունների կենտրոնը իրականացնում է Եվրոպական ուսումնասիրություններ միջմասնագիտական մագիստրոսական ծրագիր, որը մշակվել է եվրոպական հեղինակավոր գիտակրթական հաստատությունների և փորձագետների աջակցությամբ:
Ծրագրի առաջնային նպատակն է Եվրոպական կառույցների, վերջիններիս վարած քաղաքականության, կայուն տնտեսական զարգացման և անվտանգության մեխանիզմներին ծանոթացնելու միջոցով զարգացնել ուսանողների վերլուծական ունակությունները և խնդիրներ լուծելու կարողությունները: Ձեռք բերված գիտելիքների և կարողությունների շնորհիվ մեծանում է շրջանավարտների հնարավորությունները աշխատանք գտնել գիտահետազոտական հաստատություններում, հանրային ծառայությունների բնագավառներում, պետական համակարգում և միջազգային կազմակերպություններում:
Ծրագրի կառուցվածքը
Առկա ուսուցմամբ մագիստրոսական ծրագրի տևողությունը երկու տարի է` 120 կրեդիտ ուսումնական բեռնվածությամբ: Ծրագիրը բաղկացած է պարտադիր և կամընտրովի դասընթացներից, որոնք հավասարապես բաշխված են հետևյալ կրթաբլոկերի միջև`
- քաղաքագիտական
- իրավական
- տնտեսագիտական
- միջառարկայական
Ինչո՞ւ ընտրել այս ծրագիրը
- Բացառիկ միջառարկայական ծրագիր, որը շնորհում է Եվրոպագիտության մագիստրոսի աստիճան
- Եվրոպական կրթական չափանիշներին համապատասխան կրթություն
- Աշխատանքի անցնելու հնարավորություններ միջազգային կառույցներում, պետական մարմիններում, հասարակական կազմակերպություններում, ինչպես նաև գիտահետազոտական հաստատություններում
- Բարձր որակավորում ունեցող պրոֆեսորադասխոսական կազմ, ինչպես նաև հրավիրյալ դասախոսներ հեղինակավոր եվրոպական համալսարաններից:
ԸՆԴՈՒՆԵԼՈՒԹՅՈՒՆ
Ո՞վ կարող է դիմել
Եվրոպական ուսումնասիրություններ մագիստրոսական ծրագրի դիմորդները պետք է ունենան բարձրագույն մասնագիտական կրթություն (բակալավրի աստիճան):
Անհրաժեշտ փաստաթղթեր
- Մագիստրատուրայի ընդունելության հայտ,
- Մոտիվացիոն նամակ,
- Բարձրագույն կրթության դիպլոմի և նրա հավելվածի բնագրերն ու պատճենները,
- 4 լուսանկար /3x4 չափսի/,
Ինչպե՞ս դիմել
Բոլոր անհրաժեշտ փաստաթղթերը պետք է ներկայացնել ԵՊՀ մագիստրատուրային բաժին:
Ընդունելության կարգը
Ընդունելությունը կատարվում է մրցութային կարգով` ընդունելության քննության արդյունքների հիման վրա:
Ուսման վարձ
800.000 դրամ տարեկան:
Անվճար տեղեր
Առկա են անվճար տեղեր:
Ընդունելության ժամանակացույց
Ծրագրի ընդունելությունը իրականացվում է երեք փուլով`
Փուլ 1՝ մայիսի 23– հունիսի 03
Առաջին փուլում անվճար և վճարովի համակարգ կարող են դիմել ԵՊՀ բակալավրիատի ընթացիկ ուստարվա շրջանավարտները, որոնց ՄՈԳ բարձր է 13 միավորից:
Փուլ 2՝ մայիսի 25 – հուլիսի 04
Երկրորդ փուլում վճարովի համակարգ կարող են դիմել ԵՊՀ և այլ հավատարմագրված բուհերի շրջանավարտները, որոնց ընդունելությունը կատարվում է մրցութային հիմունքներով:
Փուլ 3՝ հուլիսի 11 - օգոստոսի 25
Երրորդ փուլում՝ անվճար և վճարովի համակարգ կարող են դիմել բանակից զորացրված դիմորդները` իրենց համար նախատեսված տեղերի շրջանակներում: Երրորդ փուլով մագիստրատուրայի վճարովի համակարգ կարող են դիմել նաև առաջին և երկրորդ փուլում ժամանակին չդիմած անձինք:
Մանրամասն տեղեկատվություն ստանալու համար դիմել`
Եվրոպական ուսումնասիրությունների կենտրոն Երևանի պետական համալսարան Ա. Մանուկյան 1, Երևան 0025, ՀՀ Հեռ.` +374 10 550810, 576326
Էլ.փոստ` info@ces.am
Կայք` www.ces.am