Աշխատանքի տոնավաճառին մասնակցելու համար խնդրում ենք սեղմել Apply Online և լրացնել համապատասխան դաշտեր:
«Ալֆա-Ֆարմ» Ընկերությունը փնտրում է փորձառու մարքեթինգի մենեջերի, ով պատասխանատու կլինի կազմակերպության մարքեթինգային գործունեության կազմակերպման, զարգացման համար՝ պոտենցիալ հաճախորդներին ներգրավվելու և նրանց լոյալ պահելու նպատակով:
Աշխատանքային պարտականություններ՝
- Իրականացնում է մարքեթինգային հետազոտություններ և կազմակերպում է վաճառքի խթանմանն ուղղված միջոցառումներ,
- Մշակում և ներդնում է Ընկերության ապրանքների և ապանքատեսակների առաջխաղացման ուղիներ,
- Խմբավորում և դասակարգում է ապրանքները՝ ըստ դրանց տեսակի, գործածության, որակական հատկանիշների, դրանց հիման վրա կատարում է մարքեթինգային վերլուծություն,
- Ուսումնասիրում է սպառողների նախասիրությունները, դրանց հիման վրա կատարում է հետազոտություն, ինչպես նաև հավաքագրում և տրամադրում է անհրաժեշտ տեղեկատվություն,
- Իրականացնում է մանրածախ վաճառակետի մերչնդայզինգ և մշտապես վերահսկողություն,
- Մասնակցում է վաճառքների պլանավորման աշխատանքներին՝ վաճառքի բաժնի հետ համատեղ, ըստ հաճախորդների սեգմենտների, հիմնական ապրանքախմբերի,
- Մշակում է վաճառքի բաժնի համար յուրահատուկ բոնուսային ծրագրեր՝ կոնկրետ մարքեթինգային ակցիաների ուղղվածությամբ,
- Մշակում է մարքեթինգային ակցիաների ցանկը և իրականացնում է ակցիաները,
- Վարում է բանակցություններ գովազդակիրների և գովազդ արտադրող ընկերությունների հետ, կազմակերպում է գովազդային արշավներ,
- Կատարում է մրցակիցների ակտիվության, գործունեության հետազոտություններ,
- Իրականացնում է նոր ապրանքների նկատմամբ պահանջարկի, նոր շուկաների բացահայտում, կատարում է սպառողների բավարարվածության ուսումնասիրություն,
- Իրականացնում է վաճառքների վիճակագրական վերլուծություններ,
- Կատարում է ընկերության կայքի, սոցիալական ցանցերում ընկերության էջերի վարում, թարմացում, նպաստում է դրանց առաջխաղացմանը,
- Իրականացնում է շուկայի ուսումնասիրություն և վերլուծություն՝ պարզելու առկա ապրանքատեսականին և գնառաջարկները,
- Պատրաստում է համապատասխան հաշվետվություններ՝ շուկայական պայմանների և ապրանքային ծախսերի վերաբերյալ,
- Մասնակցում է գների ձևավորման և գնային քաղաքականության մշակման աշխատանքներին,
- Մշակում և համակարգում է ապրանքների պրոմո-խորհրդատվությանն ուղղված գործառույթները,
- Վերահսկում է արդեն իսկ գործող վաճառքները, ակցիաները, զեղչային համակարգերը,
- Վերլուծում է վաճառքի օրինաչափությունները, ինչպես նաև կատարում է կանխատեսումներ ապագայում սպասվող թրենդների զարգացման վերաբերյալ
- Զբաղվում է նոր բրենդների և նոր բիզնես ուղղությունների /կոսմետիկայի կատեգորիա/ զարգացման, վաճառքների խթանման ու կազմակերպման հարցերով:
Պահանջվող որակավորում և հմտություններ`
- Բարձրագույն կրթություն մարքեթինգի կամ բիզնեսի կառավարման ոլորտում,
- Համապատասխան ոլորտում աշխատանքային փորձ,
- Վաճառքների խթանման փորձ,
- Հաղորդակցության գերազանց հմտություններ,
- Նորարար և կրեատիվ մտածողություն,
- Վերլուծական մտածողություն,
- Նախագծերի կառավարման ունակություն,
- Թիմում աշխատելու հմտություններ,
- Կազմակերպչական հմտություններ՝ ժամանակի պլանավորման և վերջնաժամկետների պահպանման,
- Հայերեն, անգլերեն և ռուսերեն լեզուների իմացություն,
- Microsoft Office ծրագրերի լավ իմացություն,
- Տպարանների, դիզայն ստուդիաների և աշխատանքի համար անհրաժեշտ նյութերի մատակարարների հետ աշխատելու փորձ:
«Ալֆա-Ֆարմ» ՓԲԸ-ն իր աշխատակիցներին առաջարկում է՝
- կայուն աշխատանք,
- մրցունակ աշխատավարձային և բոնուսային փաթեթ` հիմնված մասնագիտական գիտելիքների, փորձի և աշխատանքի կատարողականի արդյունքների վրա,
- մասնագիտական աճի (որակավորման բարձրացման դասընթացներ) և կարիերայի անընդհատ զարգացման հնարավորություններ:
Այս թափուր աշխատատեղի մրցույթին կարող եք մասնակցել` ներկայանալով դեկտեմբերի 2-ին Կոնգրես հյուրանոցում կայանալիք աշխատանքի տոնավաճառ 2016 միջոցառմանը:
Աշխատանքի տոնավաճառի բոլոր մանրամասներին կարող եք ծանոթանալ այստեղ և հետևել նորություններին՝ միանալով ֆեյսբուքում տոնավաճառի միջոցառմանը:
Աշխատանքի տոնավաճառին մասնակցելու համար խնդրում ենք սեղմել Apply Online և լրացնել համապատասխան դաշտերը։