Ֆինանսական համակարգի հաշտարարի գրասենյակն իր թիմը համալրելու նպատակով հայտարարում է մրցույթ՝ Ընդունարանի և սպառողների ֆինանսական կրթման ծրագրի մասնագետի թափուր պաշտոնի համար: Ստորև ներկայացվում են աշխատանքի պայմանները և աշխատակցին ներկայացվող պահանջները:
Պաշտոնը` Ընդունարանի մասնագետ/Սպառողների ֆինանսական կրթման ծրագրի մասնագետ
Աշխատանքի վայրը` ք. Երևան
Աշխատանքի սկիզբը` 2017 թվականի հունվար
Աշխատանքային օրերը և ժամերը` Երկուշաբթիից ուրբաթ, 09:00-18:00
Փորձաշրջան` 3 ամիս
Աշխատանքային պայմանագրի ժամկետը` 6 ամիս՝ երկարաձգման հնարավորությամբ
Հիմնական պարտականությունները
- Ընդունել Գրասենյակի հաճախորդներին և ուղղորդել համապատասխան մասնագետներին
- Իրականացնել սոցիալական կայքերում Գրասենյակի էջերի վարումը և անհրաժեշտ տեղեկատվական նյութերի մշակման աշխատանքները
- Իրականացնել Գրասենյակի ինտերնետային կայքի վարումը
- «Սպառողների ֆինանսական կրթության և իրազեկվածության բարձրացման» ծրագրի շրջանակներում անցկացնել սեմինարներ ՀՀ մարզերի և Երևանի դպրոցներում, ինչպես նաև աջակցել ծրագրի իրականացմանը
- Իրականացնել տվյալների հավաքագրման և մշակման հետ կապված աշխատանքներ
Նվազագույն պահանջներ
- Բարձրագույն կրթություն տնտեսագիտության, իրավագիտության կամ հարակից ոլորտներում (գերազանց առաջադիմություն ունեցողներին կտրվի նախապատվություն)
- Հայերենի գերազանց իմացություն, անգլերենի և ռուսերենի լավ իմացություն
- Համակարգչային գիտելիքների առկայություն, MS Office փաթեթի տիրապետում, նկարների մշակման ծրագերի իմացություն, տարրական HTML-ի իմացություն
- Ինտերնետ մարքեթինգի հիմունքների իմացություն
- Աշխատանքային փորձի առկայությունը կդիտվի որպես առավելություն
Անհրաժեշտ հմտություններ
- Պրեզենտացիոն հմտություններ
- Թիմում աշխատելու կարողություն
- Ճկունություն և նախաձեռնողականություն
- Բանավոր և գրավոր հաղորդակցության կարողություն
Թափուր աշխատատեղին դիմելու համար նշված պահանջներին համապաստասխանող անձինք կարող են սեղմել APPLY ONLINE կոճակը, գրել համառոտ ուղեկցող նամակ և համապատասխան վայրում կցել ինքնակենսագրականը (հայերեն):