Համաշխարհային բանկի Երևանի գրասենյակը հայտարարում է ակնարկների (շարադրությունների) մրցույթ` Հայաստանի ԲՈՒՀ-երի ուսանողների համար: Հավանական մասնակիցները պետք է մինչև մրցույթի արդյունքների հայտարարումը պաշտոնապես գրանցված լինեն Հայաստանի ԲՈՒՀ-երից մեկում:
Հրավիրում ենք Ձեզ անդրադառնալու հետևյալ երկու թեմաներից մեկին.
Թեմա 1. Ինչպե՞ս կարող է Հայաստանի կառավարությունը հաղթահարել վերջին տնտեսական ճգնաժամի բացասական հետևանքները:
(Քննարկեք խնդրի լուծման համար անհրաժեշտ առաջնահերթ բարեփոխումների քաղաքականությունները: Հուշող հարցեր` ինչպե՞ս կարող է կառավարության հարկային քաղաքականությունը սատարել տնտեսության վերականգնմանը: Տնտեսության ո՞ր ճյուղերն ունեն Հայաստանի մրցակցային առավելությունները բացահայտելու ներուժ:)
Թեմա 2. Ի՞նչ արժեք ունեն Հայաստանի անտառները: (Մեզ հետաքրքրում է Ձեր կարծիքն այն մասին, թե Հայաստանում անտառներն ինչ արժեք ունեն: Հուշող հարցեր` ինչու՞ են անտառները կարևոր: Ինչու՞ պետք է պաշտպանենք դրանք: Ի՞նչ դեր է կատարում անտառը երկրի տնտեսական զարգացման մեջ: Ի՞նչ դեր ունի անտառը տեղական համայանքների զարգացման գործում:)
ԱԿՆԱՐԿՆԵՐԻ ՆԵՐԿԱՅԱՑՄԱՆ ՎԵՐՋՆԱԺԱՄԿԵՏԸ 2011թ.-ի ՄԱՐՏԻ 10-Ն Է:
Խնդրում ենք ընտրել նշված թեմաներից միայն մեկը: Ձեր շարադրությունը կարող եք ուղարկել էլեկտրոնային փոստով` agrigoryan1@worldbank.org հասցեով, կամ թղթային օրինակը ներկայացնել Համաշխարհային բանկի Երևանի գրասենյակ հետևյալ հասցեով` Գ. Լուսավորիչ 9, Երևան 0015: Աշխատանքը չպետք է գերազանցի 5 էջը (1 էջը = 1800 նիշ): Դիմումի փաթեթում ներառեք Ձեր ուսանողական վավերական տոմսի պատճենը: Նշեք Ձեր անունը, տարիքը, համալսարանը, ֆակուլտետը և տարին:
Լավագույն 4 ակնարկների համար Համաշխարհային բանկի Երևանի գրասենյակի կողմից կտրամադրվեն դրամական մրցանակներ` հետևյալ կարգով.
1-ին տեղ` 700 ԱՄՆ դոլար
2-ին տեղ` 500 ԱՄՆ դոլար
3-ին տեղ` 400 ԱՄՆ դոլար
4-րդ տեղ` 300 ԱՄՆ դոլար
ՈՒՇԱԴՐՈՒԹՅՈՒՆ. մրցույթի վերաբերյալ սպառիչ տեղեկությունների համար այցելեք ՀԲ Երևանի գրասենյակի կայքէջը`www.worldbank.org.am (News and Events à Press Releases).
Հարցերի դեպքում խնդրում ենք դիմել Համաշխարհային բանկի Երևանի գրասենյակ` Վիգեն Սարգսյանին /արտաքին կապերի պատասխանատու կամ Արմինե Գրիգորյանին /hանրային տեղեկատվության գծով օգնական, +374(10) 52 09 92 հեռախոսահամարով կամ էլեկտրոնային փոստի միջոցով`vsargsyan@worldbank.org, agrigoryan1@worldbank.org հասցեներով: